Ընկերության մասին
“Torgom-S” ընկերությունը հիմնադրվել է 2015 թ.: Թնագարաններում և մասնավոր ժողովածուներում մենք գտնում ենք բրոնզեդարյան և վաղ երկաթեդարյան թրեր և դաշույններ և պատրաստում ենք դրանց ճշգրիտ պատճենները, որոնք փոխանցում են հազարմյակների խորքում թաքնված ժամանակների անկրկնելի շունչն ու ոգին: Մեր հիմնական նպատակն է Հայաստանի, և ավելի ընդգրկուն՝ Մերձավոր Արևելքի ու Կովկասի պատմա-մշակութային ժառանգության հասարակայնացումը:
Բնօրինակների հիման վրա պատրաստվող պատճենները հնարավորություն են ընձեռում ունենալ իր, որը լիովին համապատասխանում է այն զենքին, որով մարտի էին գնում մարտիկները հին օրերում: Համոզված ենք, որ այս հանգամանքը կարող է օժանդակել նրանց հանրայնացմանը, դառնալով հրապուրանք՝ թանգարան այցելելու համար:
Հատկանշական է, որ հինավուրց զենքի այս պատճենները մեծամասամբ արտադրվում են այնտեղ, որտեղ սարքվել ու օգտագործվել են իրենց բնօրինակները:
Բնօրինակների և պատճենների նկարագրությունն ու տեսակավորումը կատարվում է Հայաստանի Հանրապետության Գիտությունների Ազգային Ակադեմիայի Հնագիտության և ազգագրության ինստիտուտի առաջատար գիտաշխատողների կողմից:
Յուրաքանչյուր իրի համար կազմվում է վկայագիր, որտեղ կարելի է գնտել բնօրինակի նկարագրությունը, թվագրությունը, այն թե որ տեսակին և ենթաձևին է պատկանում զենքի տվյալ օրինակը, խոսվում է այդ թրի կամ դաշույնի կիրառման պատմության մասին:
Իրը
“Torgom-S” ընկերության արտադրանքը առանձնահատուկ է ինչպես իր մշակութային բաղադրիչով, այնպես էլ միջոցների ապահով ներդրման տեսանկյունից: Այն կարող է հետաքրքրել ինչպես կոլլեկցիոներներին, այնպես էլ այն մարդկանց, ովքեր կցանկանան ունենալ հազվագյուտ մի իր, որի արժեքը ժամանակի ընթացքում միայն աճելու է:
Պատկերասրահ
Ձեռքի աշխատանք
Բոլոր իրերն էլ ձեռքի գործ են: Ձուլումից հետո պատճենը վարպետները լրիվ համապատասխանեցնում են բնօրինակին: Մենք ձգտել ենք, որ բանիմացներին հասու լինի ոչ միայն բնօրինակի վրա եղած յուրաքանչյուր քերծվածք ու ոլորք, այլև այն, խորհրդավոր ու վիպական դարաշրջանի շունչը:
Փայտից պատրաստված յուրահատուկ տուփը, որն ունի իր առանձին ապրանքանիշը նույնպես վերամշակվում է ձեռքի աշխատանքով և ծառայում է որպես վստահելի պահարան այս գործերի համար:
